“სირცხვილიას” ერთ-ერთ ორგანიზატორს და სამოქალაქო აქტივისტს ზუკა ბერძენიშვილს ქუჩაში მოკვლით დაემუქრნენ. ინფორმაციას ამის შესახებ აქტივისტი სალომე ბარკერი ავრცელებს.
”რამდენიმე წუთის წინ ვინმე თორნიკე ბაღათურია და გიორგი ალთუნაშვილი მე და ზუკას გადაგვაწყდნენ ქუჩაში და ზუკას დაემუქრნენ ცემით, სახის გახევით, გოგოს გარეშე რო იყოს რასაც იმსახურებს იმის ქნით, მოკვლით, სხვა დროს სხვა ადგილას შეხვედრით, უკვე შეციებული ხინკლის მოტანით, ბოლტის კიდევ უფრო გაძვირებით, ყოველწლიურად მზარდი მაღალი ინფლაციით და დუინგ ბიზნეს რეიტინგში საქართველოს პოზიციების მკვეთრი ვარდნით.
ბოლოს კი მოძუძგეს თავის გზაზე მარა ნუ მაინც მინდოდა გცოდნოდათ, როგორც ნამდვილი “პროვოკატორისგან, რომელიც ამ ამბავსაც ქვეყანას მოსდებს”, – წერს სალომე ბარკერი.
