“ყველაზე უარესი, რაც კი აქამდე ყოფილა“– განგაში კორონავირუსის ახალ ვარიანტის გამო. მსოფლიო ხელახლა იკეტება

ცნობებმა კორონავირუსის ახალი ვარიანტის გავრცელების შესახებ, რომელსაც მეცნიერები უწოდებენ “ყველაზე უარესს მათ შორის, რაც აქამდე გვინახავს“, პარასკევს მსოფლიოს ბევრი ქვეყნის საზღვრის ჩაკეტვა, რეისების გაუქმება და მთელ მსოფლიოში ბაზრების ჩამოშლა გამოიწვია. ჯანმომ საგანგებო სხდომაზე ახალი ვარიანტის კლასიფიკაფია განსაზღვრა, როგორც “შემაშფოთებელი“ და მას  სახელი – “ომიკრონი“ მიანიჭა. ადგილობრივი მედიის ინფორმაციით ვირუსმა უკვე მიაღწია ისრაელამდე და ევროპამდე.

ჟენევაში გამართული ჯანმოს სხდომის შემდეგ ორგანიზაცია აღნიშნავს, რომ ეს ვარიანტი დიდი რაოდენობით მუტაციებს შეიცავს, რომელთაგან ზოგიერთი შეშფოთებას იწვევს.

“წინასწარი მონაცემები აჩვენებს, რომ ამ ვარიანტთან არის დაკავშირებული განმეორებითი დაინფიცირების მომეტებული რისკი. დადგენილია, რომ ეს ვარიანტი უფრო სწრაფად ვრცელდება, ვიდრე ვირუსების წინა აფეთქებების დროს ხდებოდა. აქედან გამომდინარე, მას გავრცელების დიდი პერსპექტივა შეიძლება ჰონდეს.“–ნათქვამია ჯანმოს განცხადებაში.

პარასკევს დილიდან მსოფლიოს ქვეყნებმა ერთმანეთის მიყოლებით დაიწყეს შემზღუდავი ზომების გამკაცრება საზღვრებზე, რათა საკუთარ ტერიტორიაზე კორონავირუსის ახალი, საშიში ვარიანტის შეღწევა შეზღუდონ. ეს ვარიანტი სამხრეთ აფრიკაშია აღმოჩენილი და ცნობილია როგორც B.1.1.529.

ამჟამად დაფიქსირებულია ახალი ვარიანტით დაინფიცირების დაახლოებით 100 შემთხვევა, მათგან უმრავლესობა სამხრეთ აფრიკულ პროვინცია გუატენგში, ერთეული შემთხვევებია აღმოჩენილი მსოფლიოს სხვა ქვეყნებში.

ვარაუდობენ, რომ არსებული ვაქცინები ვირუსის ახალი ვარიანტის წინააღმდეგ ნაკლებად ეფექტური იქნება.

ახალი ვირუსის გავრცელების გამო ბევრი ქვეყანა საზღვრებს უკეტავს აფრიკული სახელმწიფოების, მადაგასკარის და ჰონკონგის მოქალაქეებს , მათ შორის არიან აშშ, დიდი ბრიტანეთი, გერმანია, იტალია, ისრაელი, სინგაპური, საფრანგეთი, ჩეხეთი და იაპონია.

ცნობილია, რომ ომიკრონმა უკვე შეაღწია ევროპაში. პირველი შემთხვევა ბელგიაში დაფიქსირდა. ევროკომისიის ხელმძღვანელმა ურსულა ფონ დერ ლაიენმა ევროპულ ქვეყნებს მოუწოდა დროებით შეაჩერონ შესვლა მოგზაურებისთვის იმ რეგიონებიდან, სადაც ვირუსის ახალი ვარიანტი აღმოჩნდა. მისი თქმით ახლა მნიშვნელოვანია ევროპამ სწრაფად, კოორდინირებულად და პრინციპულად იმოქმედოს.

მანამდე ევროკომისია გამოდიოდა წინადადებით ევროკავშირში შესვლისას ყურადღება მიექციათ არა იმ ქვეყნის ან რეგიონისთვის, საიდანაც მოგზაური ჩამოვიდა, არამედ ვაქცინაციის სტატუსისთვის. სრულად ვაქცინირებულთათვის ევროკომისია შეუზღუდავი შესვლის უფლებას მისაღებად თვლიდა. თუმცა ეს იყო ომიკრონის გამოჩენამდე.

გერმანიაში ვირუსის ახალი ვარიანტის გამოჩენის შესახებ ინფორმაცია მას შემდეგ გამოჩნდა, რაც გამოცხადდა, რომ ქვეყანაში კორონავირუსით გარდაცვლილთა რაოდენოაბმ 100 ათასს გადააჭარბა. ანგელა მერკელმა, რომელიც პოსტს ტოვებს მოუწოდა მის მემკვიდრეს, ოლაფ შოლცს და მისი ახალი, ჯერ კიდევ ჩამოუყალიბებელი მთავრობის წევრებს მიიღონ სწრაფი და გადამჭრელი ზომები ეპიდემიასთან საბრძოლველად. ასევე მოუწოდა გაამკაცრონ გერმანიაში მოქმედი შემზღუდავი ზომები და თქვა, რომ მზად არის დაეხმაროს ახალ მთავრობას და ერთობლივად მართონ გარდამავალი პერიოდი.

ისრაელის პრემიერ მინისტრმა, ნაფტალი ბანეტმა განაცხადა, რომ მისი ქვეყანა საგანგებო სიტუაციის ზღვარზეა და მოუწოდა ისრაელის მოქალაქეებს სადღეღამისო სამუშაოსთვის მოემზადონ.

რამდენიმე კვირის წინ ქვეყანაში ჩატარდა საერთონაციონალური სწავლება “ომეგა“, რომელზეც შეიმუშავეს ეპიდემიასთან ბრძოლის სცენარი იმ შემთხვევისთვის, თუ კორონავირუსის ახალი ვარიანტი ბევრად უფრო მომაკვდინებელი აღმოჩნდება.

შაბათს ისრაელის პრემიერი საგანგებო სხდომას მართავს, რომელზეც გადაწყდება, დაიკეტება თუ არა ბენ გურიონის აეროპორტი ქვეყანაში ჩასული უცხოელებისთვის.

ინფორმაციამ ვირუსის ახალი ვარიანტის შესახებ პარასკევს მსოფლიო ბაზარზე ნავთობის ფასების 10%–ზე მეტით ვარდნა გამოიწვია. ეს არის ყველაზე მნიშვნელოვანი ვარდნა ერთ დღეში ბოლო წელიწადნახევრის განმავლობაში. თუ ნავთობზე მოთხოვნა ვარდნას განაგრძობს, მსოფლიო ეკონომიკის აღდგენა კიდევ უფრო ხანგრძლივი და რთული ინება.

მიუხედავად იმისა, რომ ენერგეტიკული კრიზისი გრძელდება, ინვესტორები შიშობენ, რომ პანდემიის ახალი ტალღა არსებითად შეზღუდავს ადამიანების გადაადგილებას, შესაბამისად საწვავზე მოთხოვნას შეამცირებს და ეკონომიკურ ზრდას შეანელებს.

მნიშვნელოვნად დაეცა ავიაკომპანიების და ტურისტული სფეროს კომპანიების აქციების ფასი, თუმცა ჯანმოს წარმომადგენლები მოუწოდებენ ქვეყნებს პანიკას არ აყვნენ და ახალი შეზღუდვების შემოღება არ იჩქარონ.

 

 

შოტლანდია პირველი ქვეყანაა მსოფლიოში, რომელმაც ქალებისთვის უფასო ტამპონების და საფენების უფლება დააკანონა

შოტლანდიამ პირველმა მსოფლიოში ქალებისთვის უფასო მენსტრუალური ტამპონების და საფენების უფლება დააკანონა: ორშაბათს დიდი ბრიტანეთის...

რუსეთი ბელორუსის ტერიტორიიდან უკრაინაზე მასირებული სარაკეტო დარტყმისთვის ემზადება–მონიტორინგის ჯგუფი

რუსეთმა ბელორუსის აეროდრომ "Зябровка"–ზე  14 საზენიტო სარაკეტო კომპლექსი С-400 და მათი 60 რაკეტა ჩაიტანა,...

ლატვიამ უკრაინას 4 სამხედრო ვერტმფრენი აჩუქა

ლატვიის ხელისუფლებამ უკრაინას 4 სამხედრო ვერტმფრენი გადასცა. ამის შესახებ ლატვიის თავდაცვის მინისტრმა, არტის პაბრიკსმა ...

ილვესი: საქართველო არ მიდის მეგობრების შენარჩუნების და მათი კეთილგანწყობის მოპოვების გზით

"რუსეთთან ომში ჩართვა არავის სურს და ეს არც საქართველოსთვის უნდა ვინმეს", აცხადებს "ამერიკის ხმასთან"...

თბილისის ქუჩების ნაწილს 16 აგვისტოს ელექტროენერგია მთელი დღით შეუწყდება

კომპანია თელასის ინფორმაციით, სხვადასხვა სამუშაოს ჩატარების გამო, 16 აგვისტოს თბილისის ნაწილს ელექტრომომარაგება დროებით შეეზღუდება. ჩუღურეთის რაიონში, გადაუდებელი...

საქართველოში მიწისძვრა მოხდა

სეისმური მონიტორინგის ცენტრის ცნობით, დაბა ადიგენთან, სოფელ ზოტთან მიწისძვრა მოხდა. მათი ინფორმაციით, სიმძლავრემ 3.2 მაგნიტუდა...

“ჩვენი სამხედროები ნაბიჯ-ნაბიჯ ათავისუფლებენ დონბასის მიწას“-პუტინი

რუსი სამხედროები მკაფიოდ ასრულებენ ყველა ამოცანას და ნაბიჯ-ნაბიჯ ათავისუფლებენ დონბასის მიწას – თქვა რუსეთის...

26 წლიანი ქორწინების შემდეგ ვიტალი კლიჩკო ცოლს გაშორდა

კიევის მერი, ვიტალი კლიჩკო ცოლს, ნატალიას გაშორდა. ამის შესახებ კლიჩკომ მედიას თვითონ უთხრა: “მრავალი წელი–...

26 წლიანი ქორწინების შემდეგ ვიტალი კლიჩკო ცოლს გაშორდა

კიევის მერი, ვიტალი კლიჩკო ცოლს, ნატალიას გაშორდა. ამის შესახებ კლიჩკომ მედიას თვითონ უთხრა: “მრავალი წელი– განსხვავებული ინტერესები, სხვადასხვა ცხოვრება. და ჩვენ გადავწყვიტეთ, ეს ოფიციალურად გაგვეფორმებინა....

მაიმუნის ყვავილის გამო ნიუ იორკში საგანგებო ვითარებაა

ნიუ იორკის შტატის გუბერნატორმა ქეთი ჰოქულმა ნიუ-იორკის შტატის ჯანდაცვაში საგანგებო ვითარება გამოაცხადა, რაც მაიმუნის ყვავილის გავრცელებით შექმნილ სიტუაციას უკავშირდება. ჰოქულმა აღნიშნული ნაბიჯი „მაიმუნის ყვავილის...

ჯენიფერ ლოპესი და ბენ აფლეკი დაქორწინდნენ

51 წლის ამერიკელი მსახიობი და მომღერალი, ჯენიფერ ლოპესი ოსკაროსან მსახიობს და რეჟისორს, ბენ აფლეკს გაყვა ცოლად. ამის შესახებ ტაბლოიდები ინსაიდერულ ინფორმაციაზე და დოკუმენტებზე დაყრდნობით...