ლელოს ლიდერი, მამუკა ხაზარაძე ამბობს, რომ შესაძლოა არჩევნებზე ვაკის მაჟორიტარობის კანდიდატს, ელენე ხოშტარიას კონკურენტი არ დაუყენონ. მისი თქმით, მსგავსი გადაწყვეტილება შესაძლოა რამდენიმე სხვა მაჟორიტართან დაკავშირებითაც მიიღონ.
“როცა ვამბობთ, რომ ჩვენ 30 კანდიდატს ვაყენებთ, იმ ადამიანებს, ვინც ჩვენ გვესიმპატიურება, ადამიანებზეა ლაპარაკი და არა პოლიტიკურ პარტიებზე, შეიძლება გავითვალისწინოთ. მაგალითა, მე პირადად ლაკას[ელენე ხოშტარიას] ძალიან დიდ პატივს ვცემ, თავდადებულ ადამიანს და მართლა სიმპატიით ვარ. ჩვენ, ალბათ, ელენეს, შეიძლება კიდევ რამენიმე შეიძლება იყოს, ჩვენ ასეთ საკითხებს [ არ დავუყენებთ]. თბილისზე არ არის საუბარი. ჯერ ჩამოყალიბდეს ოპოზიცია”, — განაცხადა ხაზარაძემ ტვ პირველთან საუბარში.
