მოსამართლე მზია გარშაულიშვილმა, დღევანდელ სხდომაზე კოალიცია ლელო-ძლიერი საქართველოს წევრის, ალეკო ელისაშვილის აღკვეთის ღონისძიების სახით შეფარდებული პატიმრობა გადასინჯა და გადაწყვეტილება ძალაში დატოვა.
მან ეს გადაწყვეტილება იმით ახსნა, რომ საქმეში ახალი გარემოებები არ გამოკვეთილა. ელისაშვილის ადვოკატები ითხოვდნენ მის გათავისუფლებას თუნდაც გირაოს ან რაიმე დამატებითი შეზღუდვის დაწესების სახით.
საქმეზე მომდევნო პროცესი 9 მარტს, 14:00 საათზე გაიმართება.
