8 აპრილის ღამეს 2020 წლის მთვარი სუპერმთვარეობაა – მოვლენა, როცა მთვარის დისკო ცაში უფრო ახლოს და უფრო დიდი ჩანს, ვიდრე სხვა დროს. რა არის ვარდისფერი სუპერმთვარეობა და რატომ ქვია მას ასე?
სუპერმთვარეობა – ეს არის სავსემთვარეობა, რომელიც ემთხვევა მთვარის მიერ მისი ორბიტის დედამიწასთან ყველაზე ახლო წერტილის გავლას. ამაღამ მთვარე დედამიწიდან ზუსტად 357 ათასი კილომეტრით აღმოჩნდება დაშორებული, როცა ჩვეულებრივ ის დედამიწისგან 384 ათასი კილომეტრით არის დაშორებული.
ამიტომაც მთვარე ამ დროს უფრო დიდი და კაშკაშა ჩანს. სუპრმთვარეობები რამდენიმე თვეში ერთხელ ხდება, თუმცა დღევანდელი “ვარდისფერი“ სუპერმთვარეობა 2020 წელს ყველაზე კაშკაშა იქნება.
იქნება თუ არა მთვარე მართლაც ვარდისფერი?
სამწუხაროდ, არა. ვარდისფერს ასეთ სუპერმთვარეობას კულტურული ტრადიციის გამო უწოდებენ, იმიტომ რომ ის ხშირად ემთხვევა აშშ–სა და კანადაში ფლოქსის ვარდისფრად ყვავილობას.
როგორ და როდის დაინახვთ სუპერმთვარეს, იმაზეა დამოიკდებული დედამიწის რომელ კუთხეში ცხოვრობთ. საქართველოში ის უფრო გამთენიისას გამოჩნდება.
თუმცა, მიუხედავად იმისა, დედამიწის რომელი კუთხიდან დააკვირდებით მას, სუპერმთვარე ცაზე 8 აპრილის შემდეგ კიდევ რამდენიმე ღამის განმავლობაში გამოჩნდება.
