ზ.ხ–ს ადვოკატის, გიორგი გელხაურის ინფორმაციით, გიორგი შაქარაშვილის მკვლელობის საქმის მოწმემ, გურამ ამირხანაშვილმა არასრულწლოვანი ზ.ხ ამოიცნო.
მისი თქმით, ამირხანაშვილმა მოწმე ნახა 19 ივნისის ღამეს მანქანაში და შემდეგ პოლიციის განყოფილებაში.
“ამირხანაშვილმა ამოიცნო ზ.ხ. და მან, ასევე, განმარტა, რომ ეს პირი მას ნანახი ჰყავს პოლიციაში, როდესაც ის გამოკითხვაზე იმყოფებოდა, რომ ზ.ხ-მ მას გადასცა ნამცხვარი, ვინაიდან იგი იყო მშიერი. ასევე, ეს დეტალიც განაცხადა ამირხანაშვილმა, რომელიც დაფიქსირებულია ოქმში და ხელმოწერილია. მანქანაში ნახა ზ.ხ. ამირხანაშვილმა. მას არ უთქვამს, რომ მან რამე სახის ძალადობა ან შეურაცხყოფა მიაყენა”,– განაცხადა გელხაურმა.
შეგახსენებთ, რომ გიორგი შაქარაშვილის ცხედარი 22 ივნისს, ოთხდღიანი ძებნის შემდეგ, მდინარე არაგვში იპოვეს. შაქარაშვილის საქმეზე სულ 17 პირია დაკავებული, მათგან ექვსი არასრულწლოვანია.
