პარლამენტის თავმჯდომარე არჩილ თალაკვაძე ამბობს, რომ საზოგადოებას ამ არჩევნებში საშუალება აქვს, “დესტრუქციული პოლიტიკური პარტია – “ნაციონალური მოძრაობა” პოლიტიკური ველიდან გაიყვანოს.
მისი აზრით, ენმ–ს წარსულთან დაკავშირებით პრობლემები აქვს.
„ირაკლი კობახიძემ მართლაც სწორი პოლიტიკური შეფასება გააკეთა, მართლაც არაერთი არგუმენტი არსებობს იმისათვის, რომ „ქართული ოცნების“ ძალისხმევით და ჩვენი გამარჯვებით მოხდეს პოლიტიკური ველიდან ისეთი დესტრუქციული პარტიის გაყვანა, როგორიც არის „ნაციონალური მოძრაობა“ და რა თქმა უნდა, დემოკრატიის გაძიერებასთან, თავისუფალ არჩევნებთან ერთად, რომელიც ქვეყნის მომავალს უკავშირდება, ამ არჩევნებში საზოგადოებას მართლაც აქვს საშუალება , რომ ეს დესტრუქციული პოლიტიკური პარტია, „ნაციონალური მოძრაობა“ გაიყვანოს პოლიტიკური ველიდან.
რაც შეეხება იმ პოპულისტურ არგუმენტებს, რაც ამ შეფასების პასუხად მოვისმინეთ „ნაციონალური მოძრაობის“ წარმომადგენლებისგან და მათი მხარდამჭერებისგან, მათ ძალიან კარგად იციან, რომ ჩვენ შევქმენით ისეთი დემოკრატია, სადაც საზოგადოება არჩევნებით იღებს მნიშვნელოვან გადაწყვეტილებებს. „ქართული ოცნება“ არის მომავალზე ორიენტირებული, „ნაციონალურ მოძრაობას“ კი აქვს პრობლემა თავის წარსულთან და აქვს უმძიმესი კითხვები, რომელზეც პასუხები არ არის გაცემული მათი მხრიდან“, – განაცხადა თალაკვაძემ.
