ასობით ადამიანი შეიკრიბა ლონდონის ცენტრში მიუხედავად ხელისუფლების მოწოდებისა, თავი აერიდებინათ მასობრივი მანიფესტაციებისთვის. პროტესტის მონაწილეებსა და პოლიციას შორის შეტაკებები მოხდა.
პოლიციას აქციის მონაწილეებმა ალკოჰოლური სასმელის ბოთლები ესროლეს. დემონსტრანტები, რომელთა შორის უკიდურესი მემარჯვენე მოძრაობების წარმომადგენლები და ფეხბურთის ფანატები შედიან, ამტკიცებენ, რომ ქანდაკებების და მონუმენტების დასაცავად, ასევე პოლიციის დასაცავად მივიდნენ რასიზმთან მებრძოლების თავდასხმებისგან.
შაბათს ლონდონში სიტუაციის გამწვავების მოლოდინში უსაფრთხოების დამატებითი ზომები მიიღეს.
მთელ ქვეყანაში, ისევე როგორც დედაქალაქში რასიზმის წინააღმდეგ დემონსტრაციები მიმდინარეობს. გასულ კვირას ძეგლების მიმართ ვანდალიზმის აქტებისა და არეულობების შემდეგ პოლიციამ შეზღუდვები შემოიღო ზოგიერთი ჯგუფის მიერ საპროტესტო აქციების გამართვაზე.
ამასთან, სხვადასხვა დაჯგუფებების წარმომადგენლები, მათ შორის რადიკალი მემარჯვენეები მანამდე ავრცელებდნენ გაფრთხილებას, რომ ბრიტანული ისტორიის სიმობლოების დასაცავად ლონდონში ჩამოსვლას აპირებდნენ.
ლონდონის სხვადასხვა ნაწილში ნაციონალისტური ორგანიზაციების აქტივისტებსა და შავკანიანთა უფლებების დამცველ ორგანიზაციას Black Lives Matter–ს შორის შეტაკებები მოხდა.
ასობით ადამიანი, ძირითადად თეთრკანიანი მამაკაცები შეიკრიბნენ კენოტაფთან, რომელიც პირველ მსოფლიო ომში დაღუპული ბრიტანელების მთავარი მონუმენტია. ის უაიტჰოლში, უინსტონ ჩერჩილის ძეგლთან მდებარეობს, რომელსაც უსაფრთხოების მიზნით ყუთი ჩამოაცვეს.
გასულ კვირას მოძრაობა Black Lives Matter–ის ატივისტებმა კენოტაფზე ბრიტანული დროშის დაცვა სცადეს, ასევე საღებავი წაუსვას ჩერჩილის ძეგლს.
უკვე მოხდა რამდენიმე შეტაკება დამცავი აღჭურვილობით შეიარაღებულ პოლიციასა და დემონსტრანტებს შორის, რომლებიც პოლიციის კორდონისკენ მაღლა აწეული ხელებით და შეძახილებით “ინგლისი!“ გაემართნენ.
ზოგმა დემონსტრანტმა კენოტაფთან განლაგებული დამცავი ლითონის ბარიერების მოხსნა მოახერხა, პოლიციელებს ჯოხის ტარები, კვამლის პეტარდები და საგზაო კონუსები დაუშინეს. პოლიციამ საპასუხოდ რეზინის ხელკეტები გამოიყენა.
ამის შემდეგ აქტივისტების ჯგუფებმა ტრაფალგარის მოედანზე გადაინაცვლეს, სადაც პეტარდების სროლა პირდაპირ ხალხის მასაში დაიწყეს.
პოლიციამ ზომები მიიღო, რათა ისინი ჰაიდ პარკში არ შეეშვა, სადაც მოძრაობა Black Lives Matter–ის აქტივისტების მშვიდობიანი ანტირასისტული დემონსტრაცია მიმდინარეობდა.
მოძრაობის ორგანიზატორებმა მომხრეებს მოუწოდეს ამ შაბათ–კვირას დაგეგმილ ანტირასისტულ მიტინგებში მონაწილეობისგან, უკიდურეს მემარჯვენეებთან შესაძლო შეტაკებების თავიდან ასაცილებლად.
ბრიტანეთის შს მინისტრმა, პიტი პატელმა ტვიტერში პოლიციასთან დემონსტრანტების შეტაკებებს მიუღებელი ხულიგნობა უწოდა.
“ყველამ, ვინც ძალადობის და ვანდალიზმისკენ იხრება, საკუთარ თავზე უნდა გამოსცადოს კანონის მთელი ძალა. არ დავუშვებთ ჩვენი პოლიციელების მიმართ ძალადობის გამოვლენას“– დაწერა მან.
შაბათსვე ასობით ადამიანი შეიკრიბა გლაზგოში , ბრისტოლში, ბელფასტში ომის გმირების მონუმენტთა დასცავად.
მთელ ქვეყანას, ბრაიტონის, ნიუკასლის, ლივერპულის, ჩელმსფორდის ჩათვლით ასევე მოედო რასიზმის წინააღმდეგ პროტესტის ტალღა.
ბრაიტონში რასიზმის მოწინააღმდეგეებსა და ქალაქის სამხედრო მემორიალთან შეკრებილ უკიდურეს მემარჯვენეებს შორის შეტაკება მოხდა მას შემდეგ, რაც ათასზე მეტი დემონსტრანტი შავ სამოსში და ნიღაბში ერთი მილის სიგრძის ჯაჭვად გამწკრივდა სანაპიროს გასწვრივ მდუმარე პროტესტის გამოსახატად.
ნიუკასლში ანტირასისტული მოძრაობის წევრებს კონტრდემონსტრანტები სტვენით შეხვდნენ.
ლონდონის მერი, სადიკ ხანი ხალხს მოუწოდებდა შაბათს ლონდონის ცენტრისთვის თავი აერიდებინათ, რადგან ქალაქში უკიდურესი მემარჯვენეები აპირებდნენ ჩამოსვლას, რაც ძალადობას და არეულობას გამოიწვევდა.
