სუს-ის ყოფილი მაღალჩინოსნის, სოსო გოგაშვილის საქმის პროკურორმა, მაია სილაგაძემ განაცხადა, რომ გოგაშვილის საქმის მასალები შეიცავს გრიფით საიდუმლო ინფორმაციას, რომელიც კავშირშია სახელმწიფო უსაფრთხოებასთან.
“საქმეში დევს არაერთი მტკიცებულება, მათ შორის არის მოწმეთა გამოკითხვის ოქმები, გარდა ამისა არის მოპოვებული ინფორმაცია, როგორც დოკუმენტური, ასევე ელექტრონული მოწყობილობების სახით, სადაც არსებობს გრიფით საიდუმლო ინფორმაცია, რაც არის დაკავშირებული სახელმწიფო უსაფრთხოების სამსახურის საქმიანობასთან და რაც ეხება ქვეყნის უსაფრთხოების ისეთ სენსიტიურ საკითხებს, რაც არის ტერორიზმი, ქვეყნის უსაფრთხოებასთან დაკავშირებული საიდუმლო მონაცემები და ა.შ ამ საქმის ფარგლებში რაც გამოვლინდება, რაიმე კონკრეტული დანაშაულის ქმედება, რა თქმა უნდა, ამაზე ვიმსჯელებთ, თუმცა დღეს ამაზე ვერ ვისაუბრებთ”, – ამბობს მაია სილაგაძე
