ირანი გეგმავს ასობით სამხედრო უპილოტო საფრენი აპარატი მიაწოდოს რუსეთს უკრაინასთან ომში გამოსაყენებლად – განაცხადა ბრიფინგზე აშშ–ს პრეზიდენტის მრჩეველმა ნაციონალური უსაფრთხოების საკითხებში ჯეიკ სალივანმა.
მისი თქმით, ამას ადასტურებს მონაცემები იმის შესახებ, რომ რუსეთს დიდი დანაკარგების შემდეგ ჯარის იარაღით მომარაგებაში პრობლემები აქვს.
“ირანის მთავრობა ემზადება დაჩქარებულ ვადებში მისცეს რუსეთს რამდენიმე ასეული უპილოტო აპარატი, მათ შორის ისეთები, რომლებსაც იარაღის გადატანა შეუძლიათ. ჩვენი ინფორმაცია ასევე მიუთითებს იმაზე, რომ ირანი ემზადება რუსი სამხედროები ამ აპარატების გამოყენებისთვის გაწვრთნას“–უთხრა ჟურნალისტებს სალივანმა.
