2022 წელს აშშ საქართველოს 88 მილიონი დოლარის დახმარების გამოყოფას გეგმავს. ამის შესახებ ქვეყნის საგარეო ბიუჯეტის დოკუმენტშია ნათქვამი. როგორც დოკუმენტშია აღნიშნული, აშშ ეს დახმარება მხარს დაუჭერს საქართველოს დემოკრატიზაციას, ეკონომიკურ განვითარებას, ევრო-ატლანტიკურ ინტეგრაციასა და გაზრდის მედეგობას კრემლის მოქმედებების წინააღმდეგ.
“ხელს შეუწყობს საქართველოს დემოკრატიზაციას, ეკონომიკურ განვითარებას, ევრო-ატლანტიკურ ინტეგრაციას და გააძლიერებს მის მედეგობას კრემლის დამანგრეველი გავლენის წინააღმდეგ. ეს დაფინანსება დაეხმარება საქართველოს ინსტიტუციურ გაძლიერებას და დაბალანსებას და გააძლიერებს კანონის უზენაესობას; კიდევ უფრო განავითარებს სამოქალაქო საზოგადოებას; გააუმჯობესებს წვდომას დამოუკიდებელ, დაბალანსებულ და სანდო მედიაზე; წაახალისებს პოლიტიკურ პლურალიზმს; ხელს შეუწყობს შერიგების მცდელობას, აფხაზეთის ჩათვლით; გაზრდის ენერგოუსაფრთხოებას; წაახალისებს რეფორმებს, რომელიც აუცილებელია შიდა ეკონომიკური განვითარებისთვის; გააძლიერებს კერძო სექტორის კონკურენტუნარიანობა და სოფლის მეურნეობის პროდუქტიულობას და მიიზიდავს უცხოურ ინვესტიციებს”. – აღნიშნულია დოკუმენტში.
