უკრაინული მედიის ინფორმაციით დროის ფაქტორი არის მთავარი, რასაც უკრაინის პარტნიორები ამჟამად განიხილავენ და არც აშშ და არც ევროკავშირი არ აპირებენ ხელი შეუწყონ პუტინის გეგმებს ომის გახანგრძლივების შესახებ. ამიტომაც ბრიუსელი და ვაშინგტონი იარაღის მიწოდების პროცესში უპრეცედენტო სისწრაფით ჩაერთნენ.
ევროკავშირი და აშშ რუსეთის ფედერაციასთან ომის ლოგისტიკური ეტაპისთვის ემზადებიან– წერს დასავლური მედია. აშშ-ის ეროვნული დაზვერვის ანგარიში ამაზე ნათლად მიუთითებს. ბაიდენის ადმინისტრაცია და ევროპელი პარტნიორები გადადიან უკრაინის დახმარების მოწინავე დონეზე, რათა ხელი შეუშალონ პუტინის სტრატეგიას ბრძოლის გახანგრძლივებასთან დაკავშირებით.
რამდენიმე მოსაზრება აშშ-ს ეროვნული დაზვერვის დირექტორი ჰეინსის კონგრესში გამოსვლიდან:
- ჩვენ არ ველით, რომ რუსი სამხედროები საკმარისად შეძლებენ ძალების აღდგენას იმისთვის, რომ წელს მნიშვნელოვანი ტერიტორიული მიღწევები აჩვენონ.
- პუტინი თვლის, რომ ომის გახანგრძლივება შეიძლება იყოს მისი საუკეთესო სტრატეგია, თუნდაც ამას წლები დასჭირდეს…
- რუსულების გაანგარიშება ეყრდნობა შემდგომ მობილიზაციას და საბრძოლო მასალების უცხოურ წყაროებს.
- ომი უკრაინაში გადაიქცა “სასტიკ ომად, რომელშიც არცერთ მხარეს არ აქვს საბოლოო სამხედრო უპირატესობა”. უკრაინის საგაზაფხულო შეტევა შემოიფარგლება უკრაინის შეიარაღებული ძალების მხარდაჭერის ხარისხითა და დანაკარგების დონით.
დე ფაქტო დაზვერვის ანგარიშში ამერიკელ გადასახადის გადამხდელებს თეთრი სახლისა და ევროკავშირის ახალი სტრატეგია განუმარტეს. ეს კარგად ჩამოაყალიბა უკრაინის თავდაცვის მინისტრმა ოლექსი რეზნიკოვმა:
“სავარაუდოდ” საჭიროა 1 მილიონი 155 მმ და 105 მმ ჭურვი (ეს არის დაახლოებით 4 მილიარდი ევრო).პრიორიტეტი ნომერ პირველია საჰაერო თავდაცვის სისტემები, ასევე საბრძოლო მასალა, საბრძოლო მასალა და მეტი საბრძოლო მასალა, რათა უკრაინა მზად იყოს კონტრშეტევისთვის.“
ესტონეთმა ევროკავშირს შესთავაზა, რომ უკრაინას საჭირო საბრძოლო მასალას მიაწოდებს. ევროკავშირის თავდაცვის მინისტრებმა განიხილეს ეს ინიციატივა, რომელიც სავარაუდოდ ამ თვეში იქნება მიღებული.
ამ გაზაფხულზე აშშ-ს არმია ზრდის 155 მმ-იანი ჭურვების წარმოების შესაძლებლობებს 14000-დან 30000-მდე, შემდგომი გამოშვებით 90000 თვეში. ასევე იზრდება სხვა საბრძოლო მასალის წარმოების გამტარუნარიანობა.
დრო არის მთავარი ფაქტორი, რომელსაც ჩვენი პარტნიორები განიხილავენ. გარდა ამისა, მწიფდება გადაწყვეტილება F-16-ზე – წერს უკრაინული მედია და ასკვნის, რომ არც აშშ და არც ევროკავშირი არ არიან განწყობილნი ხელი შეუწყონ პუტინის გეგმებს ომის გაჭიანურებასთან დაკავშირებით, ისინი ცდილობენ დაეხმარონ უკრაინის შეიარაღებულ ძალებს “ერთი ამოსუნთქვით”, ანუ უკვე წელს. ამ პროცესშიბრიუსელი და ვაშინგტონი არნახული სისწრაფით ჩაერთნენ.
