აშშ უკრაინას თანამედროვე ჰაერსაწინააღმდეგო თავდაცვის სისტემებს გადასცემს

პენტაგონმა უკრაინისთვის განკუთვნილი სამხედრო დახმარების ახალი, 820 მლნ დოლარიანი პაკეტის შესახებ განაცხადა.

აშშ–ს თავდაცვის უწყების ინფორმაციით, პაკეტში შედის ორი ჰაერსაწინააღმდეგო თავდაცვის საზენიტო–სარაკეტო კომპლექსი NASAMS  და საბრძოლო მასალები საარტილერიო სარაკეტო სისტემებისთვის –HIMARS.

პაკეტში ასევე შევა დამატებითი საბრძლო მასალები ზალპური ცეცხლის სისტემა HIMARS–სთვის, 150 ათასი საბრძოლო მასალა  155- მილიმეტრიანი არტილერიისთვის და 4 დამატებითი კონრსაარტილერიო რადარი.

პენტაგონი ასევე აღნიშნეს ნორვეგიის როლი უკრაინისთვის ჰაერსაწინააღმდეგო თავდაცვის სისტემების მიწოდებაში.

საზენიტო–სარაკეტო კომპლექსები  NASAMS 1990-იან წლებში ნორვეგიულმა კომპანია Kongsberg Defence & Aerospace–მა და ამერიკულმა კომპანია Raytheon–მა შეიმუშავეს.

მათი გამოყენება შესაძლებელია: ფრთოსანი რაკეტების, დრონების, თვითმფრინავების და ვერტმფრენების წინააღმდეგ. სროლის სიშორე გამოყენებული რაკეტებიდან გამომდინარე შეიძლება 20–180 კილომეტრი იყოს, განადგურების სიმაღლე – 21 კილომეტრამდე.

“მივესალმები ისტორიულ გადაწყვეტილებას დახმარების ახალი პაკეტის გამოყოფის შესახებ, რომელიც შეიცავს ჰაერსაწინააღმდეგო თავდაცვის თანამედროვე სისტემებს. მადლობა აშშ–ს პრეზიდენტს უცვლელი ლიდერობისთვის და მხარდაჭერისთვის აგრესორთან ბრძოლაში. ერთად– გამარჯვებისკენ!“– ასეთი იყო ტვიტერზე ზელენსკის რეაქცია ამ ინფორმაციაზე.