ბათუმში ავარიას 6 წლის მოზარდის სიცოცხლე ემსხვერპლა. შემთხვევა პორტის მიმდებარე ტერიტორიაზე მოხდა.
გავრცელებული ინფორმაციით, გადაჭარბებული სისწრაფით მოძრავი ავტომობილი ქვეითად მყოფ ბავშვს დაეჯახა, რომელიც სასწრაფო დახმარების ჯგუფის მისვლამდე, შემთხვევის ადგილზე გარდაიცვალა.
ფაქტს ადასტურებს შინაგან საქმეთა სამინისტრო და აცხადებს, რომ გამოძიება სისხლის სამართლის კოდექსის 276-ე მუხლის მეექვსე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.
