შინაგან საქმეთა სამინისტროს განცხადებით, გარდაცვლილ 23 წლის გოგოს ფსიქოლოგი ჰყავდა, რომელთანაც კონსულტაციას გადიოდა.
ცენტრალური კრიმინალური პოლიციის დეპარტამენტის დირექტორის მამუკა ჭელიძის განმარტებით, დეტალებზე ვერ ისაუბრებს, თუ რას ეუბნებოდა ფსიქოლოგს გარდაცვლილი, რადგან მისი ოჯახი მძიმე მორალურ მდგომარეობაშია.
“ბავშვს ჰყავდა ფსიქოლოგი, რომელიც გამოძიების მიერ დაკითხულია. რა თქმა უნდა, დეტალებზე, თუ რაზე ისაუბრა ფსიქოლოგმა, დღეს ოჯახი მძიმე მორალურ მდგომარეობაშია და ამაზე საუბარი არ იქნება სწორი. არ დავუმძიმოთ მდგომარეობა. გიდასტურებთ იმას, რომ მას ჰყავდა ფსიქოლოგი, ჰქონდა გარკვეული კონსულტაციები”,– თქვა ჭელიძემ.
