შსს-მ დიდი ოდენობით ნარკოტიკული საშუალება “ბიოს” უკანონო შეძენა-შენახვისა და რეალიზაციის ხელშეწყობის ბრალდებით, 1996 წელს დაბადებული, წარსულში ნასამართლევი ს.დ. დააკავა.
ბრალდებულის პირადი ჩხრეკის შედეგად, ნივთმტკიცებად ამოიღეს 9 შეკვრად დაფასოებული, სარეალიზაციოდ გამზადებული ფსიქოაქტიური ნივთიერება ე.წ. “ბიო”. ჩატარებული საგამოძიებო ექსპერიმენტის შედეგად, ნარკოტიკული ნივთიერებები, ასევე ამოღებულია 30 ადგილიდან.
გამოძიება სისხლის სამართლის კოდექსის 260-ე მუხლის მე-2 ნაწილის “დ” და 260-ე კვარტა მუხლის მე-5 ნაწილის “ე” ქვეპუნქტებით მიმდინარეობს, რაც 20 წლამდე ან უვადო თავისუფლების აღკვეთას ითვალისწინებს.
