ბრიტანეთის პრემიერ მინისტრის, ბორის ჯონსონის საცოლემ, კერი საიმონდსმა ლონდონის საავადმყოფოში იმშობიარა. წყვილს ვაჟიშვილი შეეძინა.
პრემიერის კანცელარიის ცნობით დედა და ახალშობილი თავს ძალიან კარგად გრძნობდნენ. მშობიარობა დაგეგმილ ვადაზე ადრე დაიწყო.
“პრემიერ მინისტრი და ქალბატონი საიმონდსი სიხარულით გატყობინებენ ამ დილით ჯანმრთელი ბიჭის დაბადებას ლონდონის საავადმყოფოში. პრემიერ მინისტრი და ქალბატონი საიმონდსი მადლობას უხდიან სამშობიარო განყოფილების ექიმების შესანიშნავ გუნდს“– ნათქვამია პრემიერის პრესსამსახურის განცხადებაში.
ბორის ჯონსონი სამსახურს ორშაბათს დაუბრუნდა, მას შემდეგ, რაც ახალი კორონავირუსი გადაიტანა. მან დაავადება საკმაოდ რთული ფორმით გადაიტანა. მის მეგობარ ქალს დავადების სიმპტომები ქონდა, თუმცა სწრაფად გამოჯანმრთელდა.
წყვილმა იმის შესახებ, რომ ბავშვს ელოდებოდა თებერვლის ბოლოს განაცხადა. მაშინვე გამოაცხადეს ნიშნობის შესახებ.
კერი საიმონდსი ბორის ჯონსონზე 24 წლით უმცროსია. ეს ბრიტანეთის ისტორიაში პირველი წყვილია, რომელიც დაუნინგ სთრითზე, პრემიერის რეზიდენციაში დაუქორწინებლად ცხოვრობს.
წარსულში ჯონსონი მარიან უილერზე იყო დაქორწინებული. მათ ოთხი შვილი ყავთ. 2018 წლის სექტემბერში მათ განაცხადეს, რომ ცალ–ცალკე ცხოვრებას აპირებდნენ და მალევე განქორწინდენ.
მედიის ინფორმაციით პრემიერს კიდევ ერთი, ქორწინების გარეშე დაბადებული შვილი ყავს ხელოვნებათმცოდნე ჰელენ მაკინტაირისგან.
თავად ჯონსონი თავს არიდებს პასუხს კითხვაზე რამდენი შვილი ყავს.
