დიდი ბრიტანეთი რუსეთს ახალ სანქციებს უწესებს. როგორც საგარეო საქმეთა მინისტრმა, ლიზ ტრასმა განაცხადა, ბრიტანეთი რუსეთის უმსხვილეს ბანკს Sberbank-სა და მოსკოვის საკრედიტო ბანკს აქტივებს გაუყინავს. ასევე, რუსეთში ყველა ახალ ინვესტიციას აკრძალავს, რაც 2020 წელს 11 მილიარდ ფუნტს შეადგენდა.
ახალი სანქციები შეეხება დამატებით 8 რუს ოლიგარქსაც, მათ შორის არიან რუსული გაზის წამყვანი მწარმოებლის Novatek-ის დამფუძნებელი და აღმასრულებელი დირექტორი ლეონიდ მიხელსონი, გაზპრომბანკის აღმასრულებელი დირექტორი, ანდრეი აკიმოვი და სერგეი ივანოვი, ალმასის უმსხვილესი მწარმოებლის Alrosa-ს პრეზიდენტი.
ბრიტანეთი ასევე გეგმავს, 2022 წლის ბოლომდე შეამციროს დამოკიდებულება რუსულ ქვანახშირსა და გაზზე.
