“ბურთი ახლა საქართველოს მოედანზეა, დაე მუშაობა დაიწყოს “- განაცხადა საქართველოში ევროკავშირის ელჩმა კარლ ჰარცელმა ევროკავშირის კითხვართან დაკავშირებით.
”კომისიას დღევანდელი დღიდან 4 კვირა აქვს იმისთვის, რომ ამ კითხვარზე პასუხები მიიღოს… უნდა აღინიშნოს ევროკავშირი არასოდეს ყოფილა გაწევრიანების ასეთ სწრაფ გზაზე. ეს არის მნიშვნელოვანი, ფუნდამენტური პროცესი, როგორც ევროკავშირისთვის, ისე აპლიკანტი ქვეყნისთვის. ჩვენ ახლა ვართ მომსწრე პროცესის სწრაფი დაწყების, რომელიც არ შეიძლება ბოლოში უფრო დააჩქარონ. ამ კონტექსტში ხაზი გავუსვა ისტორიულ მომენტს, რაც ამ განაცხადის პროცესს აქვს – ეს არის ისტორიული შესაძლებლობა, მაგრამ მას ბევრი გამოწვევა ახლავს. მნიშვნელოვანია, რომ ამ შესაძლებლობის გამოყენება და გამოწვევების დაძლევა. ეს არის მნიშვნელოვანი მომენტი ყველა პოლიტიკური მხარისათვის, რათა გააკეთონ ყველაფერი, რომ ამ მიზანთან მიმართებაში ერთობა იყოს, გააკეთონ ყველაფერი რაც საჭიროა, რეფორმების ჩატარების თვალსაზრისით და საქართველოს როლის გააქტიურებისთვის, მისი მზადყოფნისთვის მსოფლიოსა და ევროპაში… ახლა ბურთი საქართველოს მოედანზეა. ევროკავშირი ადგილზეა და მზად არის მხარდაჭერისთვის. დაე, დიდი მუშაობა დავიწყოთ.” – განაცხადა ჰარცელმა.
ცნობისთვის, დღეს სამეზობლო პოლიტიკისა და გაფართოების საკითხებში ევროკომისარმა, ოლივერ ვარჰეიმ საქართველოს საგარეო საქმეთა მინისტრს, ილია დარჩიაშვილის ევროკავშირის წევრობის კითხვარი გადასცა. ვარჰეის თქმით, კითხვარზე პასუხები დაეხმარება ევროკომისიას, მოამზადოს მოსაზრებები ქვეყნის განაცხადზე, როგორც ამას ევროკავშირის საბჭო ითხოვს.
