” მოცემული დროისთვის გადათვლილია 1830 საარჩევნო უბნის 11% – გადათვლას მეორე ტურის წინასწარ შედეგებზე გავლენა არ მოუხდენია” – ნათქვამია განცხადებაში, რომელსაც ცენტრალური საარჩევნო კომისია ავრცელებს. 1830 საარჩევნო უბნიდან 201 უბნის გადათვლის შედეგად „ერთიან ნაციონალურ მოძრაობას“ მერის არჩევნების ნაწილში დააკლდა 21 ხმა და მოემატა – 28, „ქართულ ოცნებას“ დააკლდა 10 ხმა და მოემატა – 23.
,,საარჩევნო კანონმდებლობის შესაბამისად და ცესკოს თავმჯდომარის ინიციატივით საერთო ჯამში 1-ელ ნოემბერს გადათვლილია 201 საარჩევნო უბნის შედეგები. წარმოგიდგენთ დეტალურ სტატისტიკას გადათვლის საბოლოო შედეგების თაობაზე. მოცემული დროისთვის გადათვლილია 1830 საარჩევნო უბნის 11%. საქართველოს მასშტაბით „ერთიან ნაციონალურ მოძრაობას“ მერის არჩევნების ნაწილში დააკლდა სულ 21 ხმა და მოემატა 28; „ქართულ ოცნებას“ – დააკლდა 10 ხმა და მოემატა 23. 2 ხმა მოემატა საარჩევნო სუბიექტს „თამაზ მეჭიაური ერთიანი საქართველოსთვის“. გადათვლას მეორე ტურის წინასწარ შედეგებზე გავლენა არ მოუხდენია. დეტალური მონაცემები თითოეული საარჩევნო ოლქის მიხედვით, სადაც არჩევნების მეორე ტურის გადათვლის პროცედურები განხორციელდა, იხილეთ ბმულზე“, – ნათქვამია ინფორმაციაში.
