გაეროს გენერალურმა ასამბლეამ ადამიანის უფლებათა საბჭოში რუსეთის შემცვლელად ჩეხეთი აირჩია – ინფორმაციას CNN-ი ავრცელებს. აღნიშნულ გადაწყვეტილებასთან დაკავშირებით გამართულ კენჭისყრას მხარი 157 წევრმა დაუჭირა, 23-მა კი თავი შეიკავა.
ჩეხეთის რესპუბლიკის ვადა სამშაბათს, 17 მაისს იწყება და 2023 წლის 31 დეკემბერს იწურება.
აღსანიშნავია, რომ ჩეხეთის რესპუბლიკა ერთადერთი კანდიდატი იყო.
7 აპრილს ასამბლეამ შეერთებული შტატების მიერ ინიცირებული რეზოლუცია დაამტკიცა, რომლის მიხედვითაც უკრაინაში შეჭრის და ჩადენილი ქმედებების გამო ადამიანის უფლებათა საბჭოში რუსეთს წევრობა შეუჩერდა.
