კონფლიქტის პირობებში სექსუალური ძალადობის საკითხებში გაეროს სპეცწარმომადგენლის, პრამილა პატენის თქმით,რუსეთის უკრაინაში შეჭრის შემდეგ უკვე დაფიქსირებულია სექსუალური ძალადობის 124 შემთხვევა.
პატენი აღიარებს, რომ ეს მონაცემები მხოლოდ აისებრგის წვერია და აშკარად არ ასახავს ომის პირობებში ჩადენილი სექსუალური ძალადობის მაშტაბებს.
“ადამიანებს, ვინც სექსუალური ძალადობის შემდეგ გადარჩნენ, რცხვენიათ ამ დანაშაულის გამჟღავნება და არ ყვებიან მომხდარზე. და ეს უკრაინული შემთხვევების უნიკალურობა არ არის. ეს არის ტენდენცია, რომელსაც ყველა ომის დროს ხედავენ დამკვირვებლები“ – ამბობს “სამოქალაქო თავისუფლებათა ცენტრის“ წარმომადგენელი ალექსანდრა მატვიიჩუკი.
მეორე მიზეზი, რომლის გამო ამჟამად უკრაინაში მსგავსი დანაშაულის ჩადენის მაშტაბების შეფასება შეუძლებელია, არის მათი ძალიან დიდი რაოდენობა.
უკრაინის გენერალური პროკურატურის ინფორმაციით, ამჟამად დარეგისტრირებულია 15 ათასი სისხლის სამართლის წარმოება ასეთ ეპიზოდებზე. ცალკეულ ოლქებში ყოველ გამომძიებელზე დაახლოებით 200 საქმე მოდის, რომლებიც გაუპატიურებას უკავშირდება.
“გამომძიებელმა ერთდროულად უნდა გამოიძიოს ასეთი რაოდენობის სისხლის სამართლის საქმეები – ვერცერთი ყველაზე გამართული სამართლებრივი სისტემა მსოფლიოში ვერ გაართმევს თავს ეფექტურად ასეთ ამოცანას. ამასთან, ომი გრძელდება და დანაშაულის რაოდენობა იზრდება“– ამბობს მატვიიჩუკი.
