აშშ–ში გამოქვეყნდა ახალი ვიდეოჩანაწერი ინციდენტისა, რომლის დროსაც ამერიკის სამხედრო საჰაერო ფლოტის თვითმფრინავი საწვრთნელი გაფრენის შესრულებისას ტეხასის შტატში ჩიტს შეეჯახა და ჩამოვარდა. ჩამოვარდნისას კი სახლს დაეცა.
შემთხვევა შარშან მოხდა, თუმცა მისი ამსახველი ახალი ვიდეო ახლა გამოქვეყნდა. ჩანაწერზე ჩანს, როგორ მიფრინავს ჩიტი T-45C Goshaw–ის მიმართულებით, რომელიც დაბალ სიმაღლეზე მოძრაობდა.
თვითმფრინავი კინგსვილის დამხმარე სამხედრო–საზღვაო ბაზიდან აფრინდა და ფორტ–უერტის ბაზაზე უნდა დაფრენილიყო. ჩანაწერში ისმის პილოტის სიტყვების იმის შესახებ, რომ საგანგებო სიტუაცია შეიქმნა. ის ცდილობს ასაფრენ ბილიკამდე მიაღწიოს. ამის შემდეგ, ავარიამდე პილოტი აცნობებს დისპეჩერს, რომ დანიშნულების ადგილამდე მისვლას ვერ შეძლებს.
პილოტმა, კურსანტმა და ინსტრუქტორმა კატაპულტირება მოახერხეს, თუმცა ერთ–ერთის პარაშუტი ელექტროგადამცემ ხაზებს გამოედო.
