დაავადებათა კონტროლის ეროვნული ცენტრის დირექტორის, ამირან გამყრელიძის განცხადებით, საქართველოში განმეორებით ინფიცირება გახშირდა და ასეთი შემთხვევები მსუბუქად არ მიდის.
„ე.წ. საეჭვო რეინფიცირებაზე გვქონდა რამდენიმე ათეული შემთხვევა, დაახლოებით 50-ზე ზემოთ. შემდეგ გაფილტვრით ამ რიცხვმა დაიკლო და ნამდვილი რეინფიცირება 2 კვირის წინანდელი მონაცემებით, დადგინდა 3 თუ 5 შემთხვევა.
არ მინდა, რომ შემეშალოს ციფრი, რადგან ყოველდღიურად იცვლება და ახლაც კვლევაშია რამდენიმე ათეული შემთხვევა რეინფიცირების. ზოგადად, ვიტყვი, რომ ტენდენცია გახშირდა და რეინფიცირების შემთხვევები არ მიდის მსუბუქად”,- ამბობს ამირან გამყრელიძე.
