გერმანიის კანცლერი, ფრიდრიხ მერცი აცხადებს, რომ უკრაინაში შორ მანძილზე მოქმედი რაკეტების წარმოებას გერმანია დააფინანსებს. მან ამის შესახებ, უკრაინის პრეზიდენტთან, ვოლოდიმირ ზელენსკისთან ერთად გამართულ პრესკონფერენციაზე განაცხადა.
“შემიძლია ვთქვა, რომ ჩვენი სამხედრო მხარდაჭერა გაგრძელდება და გაფართოვდება, რათა უკრაინამ ახლაც და მომავალშიც რუსული აგრესიისგან თავის დაცვა შეძლოს. ამასთან, მინდა ვთქვა, რომ უკრაინისთვის Starlink-ის მნიშვნელოვან ნაწილს დავაფინანსებთ”. – თქვა მერცმა.
