თბილისში, გლდანში, საცხოვრებელ კორპუსთან გარდაცვლილი ჩვილი იპოვეს. სხვადასხვა მედიასაშუალებების ინფორმაციით სავარაუდოდ ბავშვი დედამ მშობიარობის შემდეგ ეზოში ჩაიყვანა და დატოვა. დილით ჩვილი დასუფთავების სამსახურმა გარდაცვლილი იპოვა.
გამოძიება სისხლის სამართლის კოდექსის 112-ე მუხლით მიმდინარეობს, რომელიც დედის მიერ ახალშობილის განზრახ მკვლელობას გულისხმობს.
საგამოძიებო უწყებაში არ აკონკრეტებენ, ამ დროისთვის დაკავებულია თუ არა ვინმე.
არსებული ინფორმაციით, ახალშობილის ცხედარი მეზობლებმა ნახეს, რის შემდეგაც პოლიცია გამოიძახეს. ჩვილი სავარაუდოდ, ნაგვის უნრაში იყო მოთავსებული.
