რუსული კანონის წინააღმდეგ საპროტესტო აქციები გრძელდება – ამ წუთებში გმირთა მოედანზე მოქალაქეები გზის გადაკეტვას ცდილობენ, თუმცა პოლიცია ამის საშუალებას ჯერ-ჯერობით არ აძლევს. პოლიციამ ერთი მოქალაქე გზის გადაკეტვის მცდელობის გამო დააკავა.
პარალელურად აქცია მიმდინარეობს რუსთაველის გამზირზეც.
ბოლო 2 კვირაა რუსული კანონის წინააღმდეგ უწყვეტი, მასშტაბური აქციები იმართება. ხელისუფლება მშვიდობიანი მომიტინგეების წინააღმდეგ წყლის ჭავლსა, ცრემლსადენ გაზს და რეზინის ტყვიებს იყენებს.
გუშინ პარლამენტთან გამართულ აქციაზე 11 ადამიანი დაშავდა, საიდანაც 8 ადამიანი კლინიკაში გადაიყვანეს.
პირველი მაისის ღამის შემდეგ დაკავებულია 65-მდე ადამიანი.
