პარტია “კანონი და სამართლის” ლიდერი, თაკო ჩარკვიანი აცხადებს, რომ “მსოფლიოში ცნობილი პრეზიდენტი უნდა დაბრუნდეს სამშობლოში”.
მისივე თქმით, სააკაშვილი ხალხმა “ჯაჭვით” უნდა დაიცვას და “ბანდით” მოსამართლეებს არ უნდა გაასამართლებინოს.
“კითხვას ვსვამ, თუ მთელი ოპოზიცია ვთანხმდებით, რომ გვაქვს კატასტროფული სასამართლო, რომ ამ სასამართლოს არ ვენდობით, მაინც და მაინც სააკაშვილზე დავუჯეროთ? ბედუკაძის “კადრების“ მიხედვით „მსჯავრდებულ“ სააკაშვილზე?
მე არ მინდა იმ საქართველოში ვიცხოვრო, სადაც არარეფორმირებულ სასამართლოთი რუსეთის მიერ დევნილი პრეზიდენტი დავაპატიმრებინოთ და ხალხმა „ჯაჭვით“ ვერ შევძლოთ მისი დაცვა.
მთელი დასავლეთი ჩართულია და ვაიძულოთ, გავაკეთებინოთ ამ ხელისუფლებას სამართლებრივი სისტემური რეფორმა.
უკრაინაში უკრაინელებმა არ დააჭერინეს პუტინის მიერ დევნილი სააკაშვილი და მე, ქართველმა მურუსიძეს დავაჭერინო? ჩემთვის ეს მოსამართლეები არიან ბანდიტები და ბანდიტებს გავასამართლებინო?!”,– წერს ჩარკვიანი Facebook-ზე.
შეგახსენებთ, რომ გუშინ მიხეილ სააკაშვილმა განაცხადა, რომ საქართველოში საარჩევნოდ ჩამოვა.
