ფლანგვის დეტექტორის ინფორმაციით, დასაქმების სააგენტო 2 წელიწადში 397 510 025 მილიონი ლარით დაფინანსდა.დასაქმების ხელშეწყობის სახელმწიფო სააგენტო მინისტრის, ეკატერინე ტიკარაძის, ბრძანებით შეიქმნა და 2020 წლიდან ფუნქციონირებს.
სააგენტო 2020 წელს 243,437,025 ლარით, ხოლო 2021 წელს 154,073,000 ლარით დაფინანსდა ბიუჯეტიდან. სააგენტოს თანამშრომელთა შრომის ანაზღაურებაზე ყოველთვიურად 2020 წელს 81,000 ლარი, ხოლო 2021 წელს 72,400 ლარი იხარჯებოდა.
გერმანიაში მძიმე შრომით პირობებში მომუშავე მოქალაქეთა დაცვა სწორედ სააგენტოს ევალებოდა, მან კი დროულად ვერ შეასრულა ეს მოვალეობა.
დასაქმების ხელშეწყობის სახელმწიფო სააგენტო მინისტრის, ეკატერინე ტიკარაძის, ბრძანებით შეიქმნა და 2020 წლიდან ფუნქციონირებს.
2019 წელს საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის, ეკატერინე ტიკარაძის, ბრძანებით საჯარო სამართლის იურიდიული პირი, დასაქმების ხელშეწყობის სახელმწიფო სააგენტო შეიქმნა.
სააგენტო საქმიანობის განხორციელებას 2020 წლიდან შეუდგა. ბრძანების თანახმად სააგენტოს მიზნებისა და ამოცანების სია საკმაოდ გრძელია და მათ შორის არის შრომის ბაზრის მომსახურებების გაწევა, კვლევითი საქმიანობის ხელშეწყობა, განხორციელება და ანალიზი, სამუშაოს მაძიებლებისათვის საინფორმაციო და საკონსულტაციო მომსახურებების გაწევა, სამუშაოს მაძიებელთა პროფესიული მომზადება-გადამზადების ღონისძიებათა ორგანიზება, დასაქმების ფორუმების ორგანიზება.
2020 წელს სააგენტოს დასაფინანსებლად ბიუჯეტიდან 243,437,025 ლარი, ხოლო 2021 წელს 154,073,000 ლარი დაიხარჯა. მიმდინარე მონაცემებით სააგენტოში 34 შტატიანი და 54 შრომითი ხელშეკრულებით დასაქმებული პირია. 2020 წელს დასაქმებულ პირთა შრომის ასანაზრაურებლად ყოველთვიურად 81,000 ლარი გაიცემოდა, ხოლო 2021 წელს კი 72,400 ლარი. მათ შორის სააგენტოს დირექტორის, ნინო ველთაურის ყოველთვიური შრომის ანაზრაურება 5,400 ლარს შეადგენს.
დასაქმების სააგენტომ 2020-2021 წლებში თანხები ძირითადად ორი პროგრამის მიმართულებით დახარჯა. 2020-2021 წლებში “დასაქმების ხელშეწყობის მომსახურებათა განვითარების სახელმწიფო პროგრამაში“, რომლის მიზანიც ქვეყანაში შრომის ბაზრის აქტიური პოლიტიკისა და დასაქმების ხელშეწყობის მომსახურებათა განვითარება/განხორციელება 1,470,000 ლარი დაიხარჯა, ხოლო ,,სამუშაოს მაძიებელთა პროფესიული მომზადება-გადამზადებისა და კვალიფიკაციის ამაღლების სახელმწიფო პროგრამაში“, რომლის მიზანიც ქვეყანაში შრომის ბაზრის აქტიური პოლიტიკისა და დასაქმების ხელშეწყობის მომსახურებათა განვითარებით/გაძლიერებით, სამუშაოს მაძიებელთა კონკურენტუნარიანობის ამაღლება და ამ გზით დასაქმების ხელშეწყობაა 4,180,000 ლარი. მოწოდებული ინფორმაციის თანახმად 2020-2021 წლებში სააგენტოს მიერ განხორციელებული აქტივობების შედეგად 1038 პირი დასაქმდა.
აღსანიშნავია, რომ სწორედ დასაქმების სააგენტო იყო პასუხისმგებელი გერმანიაში დასაქმებულთა შრომის უფლებების დაცვაზე. სააგენტოს დებულებში პირდაპირ არის მითითებული, სააგენტოს ერთ-ერთ ამოცანასა და მოვალეობას წარმოადგენს საზღვარგარეთ დროებითი, ლეგალური დასაქმების შესაძლებლობების სახელმწიფოთაშორისი თანამშრომლობის შეთანხმებული მექანიზმების განხორციელება და შესაბამისი საერთაშორისო რეგულაციებისა და ხელშეკრულებებით განსაზღვრული ვალდებულებების შესრულების ხელშეწყობა.
თუმცა, როგორც გავრცელებული ინფორმაცია ცხადყოფს, სააგენტომ ჯეროვნად ვერ შეასრულა მასზე დაკისრებული მოვალეობა და დროულად ვერ დაიცვა საზღვარგარეთ დროებით დასაქმებული პირები. როგორც გერმანიაში დასაქმებულმა პირებმა განაცხადეს, მათ მძიმე შრომით პირობებში უწევდათ სამუშაოს შესრულება. მათ შორის ხელშეკრულებებთან შეუსაბამო იყო შრომის ანაზღაურება, კვება და საცხოვრებელი პირობები. მოგვიანებით, რაც საზოგადოებისათვის ცნობილი გახდა დასაქმებულთა მძიმე შრომითი პირობებისა და დამსაქმებლის მხრიდან ხელშეკრულების დარღვევის ფაქტების შესახებ, სააგენტოს დირექტორმა, ნინო ველთაურმა, განაცხადა, რომ სააგენტომ პრობლემების მოსაგვარებლად შესაბამისი ღონისძიებების გატარება დაიწყო.
წყარო:
სააგენტოს პასუხი https://bit.ly/3vhr0Pb
მინისტრის ბრძანება https://bit.ly/2QEU18k
დასაქმებულ პირთა განცხადება https://bit.ly/3yp8xC6
სააგენტოს დირექტორის განცხადება https://bit.ly/3f8umhP
