აშშ–ს ნევადის შატატის 25 წლის მცხოვრებმა ორჯერ გადაიტანა კორონავირუსი – აპრილში და ივნისში. ამის შესახებ ჟურნალ ლანცეტში გამოქვეყნებულ სტატიაშია საუბარი
ამჟამად ახალგაზრდა კაცი ჯანმრთელია, მაგრამ მისი შემთხვევა კითხვის ნიშნის ქვეშ აყენებს კორონავირუსის გადატანის შემდეგ ადამიანში მყარი იმუნიტეტის გამომუშავების იმედებს.
მეორე ჯერზე დაავადება უფრო მძიმედ მიმდინარეობდა, ვიდრე თავიდან. პაციენტს ჰოსპიტალიზაცია დასჭირდა ჟანგბადის უკმარისობის გამო.
მას არ ქონია თანმდევი დაავადებები ან იმუნიტეტის პრობლემაბი, და არაცერთი პარამეტრით არ ხვდებოდა პოტენციურ მძიმე ავადმყოფთა რისკჯგუფში.
ვირუსების გენეტიკური კოდის შედარებითი ანალიზის მონაცემებით ამ შემთხვევაში საქმე ქონდა სწორედაც რომ ხელმეორედ დაინფიცირებას და არა იმავე დაავადების რეციდივს.
“ჩვენს მიერ ჩატარებული კვლევა ამტკიცებს, რომ კორონავირუსის გადატანა არ გვაძლევს გარანტიას, რომ ადამიანი განმეორებით არ დაინფიცირდება“ – ამბობს ნევადის უნივერსიტეტის დოქტორი მარკ პანდორი.
მისი თქმით, ნიღბების ტარება, სოციალური დისტანციის დაცვა და ხელების ხშირი ბანა მათთვისაც აუცილებელია, ვინც კორონავირუსი გადაიტანა.
მეცნიერები კვლავ მუშაობენ კორონავირუსისადმი იმუნიტეტთან დაკავშირებულ რთულ საკითხებზე. რამდენ ხანს გრძელდება იმუნიტეტი? ყველა ერთნაირად გამოიმუშავებს თუ არა მას, მათ შორის ისინიც, ვინც ვირუსი მსუბუქი ფორმით გადაიტანა?
ამ კითხვებზე საბოლოო პასუხები ჯერ არ არსებობს.
თუმცა, განმეორებითი დაინფიცირების დოკუმენტურად დადასტურებული შემთხვევები ძალიან ცოტაა – 37 მილიონიდან ერთეულები.
ჰონკონგში, ბელგიაში, ნიდერლანდებში განმეორებითი დაავადება პაციენტებში ზუსტად ისე მიმდინარეობდა, როგორც თავდაპირველი. მხოლოდ ერთი ადამიანი – ეკვადორის მოქალაქე აღმოჩნდა მეორე ჯერზე უფრო მძიმე პაციენტი, ვიდრე პირველი დაინფიცირებისას, თუმცა საბოლოოდ ჰოსპიტალიზაცია მას არ დასჭირვებია.
