“ქართულმა ოცნებამ მთელი საქართველოს მასშტაბით, დამაჯერებლად გაიმარჯვა და 47%-იანი შედეგით კიდევ ერთხელ მოიპოვა მოსახლეობის ნდობა და მართვის მანდატი.
ნაციონალური მოძრაობა და დესტრუქციული ძალები კიდევ ერთხელ, უკვე მერვედ დამარცხდნენ ქართველ ხალხთან და ქართულ ოცნებასთან ბრძოლაში. ოპოზიციამ ვერ შეძლო, მიეღწია სასურველი მიზნისთვის და მათ ვერ დააფიქსირეს ის შედეგი, რომლითაც შეეცდებოდნენ ქვეყანაში პოლიტიკური კრიზისის პროვოცირებას და არეულობის შემოტანას.
64 მუნიციპალიტეტიდან მხოლოდ 20-ში, ანუ 31%-ში დაინიშნა მეორე ტურები. შეგახსენებთ, რომ 2020 წლის საპარლამენტო არჩევნებზე მეორე ტურები დაინიშნა ოლქების 56%-ში, მისასალმებელი შედეგია და ხაზს უსვამს დემოკრატიულ და სამართლიან საარჩევნო გარემოს, რომელიც საქართველოში ქართული ოცნების ძალისხმევით შეიქმნა.
ჩვენი კანდიდატები მეორე ტურეში, 20-ვე საარჩევნო ოლქში გაიმარჯვებენ”
განაცხადა პრემიერმინისტრმა ირაკლი ღარიბაშვილმა.
