მე ამაყი ვარ, რომ ჩემს მეგობრებთან ერთად მივიღე ამ ისტორიულ პროცესში მონაწილეობა. გუშინ ქართულ ოცნებას ჩაეშალა დაწყებული ზეიმი. ჩაიშალა დაწყებული ზეიმი განსაკუთრებით დიდ ქალაქებში და ჩაიშალა მთელი მათი სტრუქტურა, როცა ამბობდნენ რომ ჩვენ პირველი ტურები არ გვექნება და ყველა თვითმმართველ ქალაქში და თბილისში ქართული ოცნება და გაღიმებული კახა კალაძე სცენაზე დატოვეს.
დიახ, საქართველოს დიდმა ქალაქებმა რეჟიმს ბრძოლა გამოუცხადეს. თქვენ იცით რომ თბილისში, რაც არის ძალიან მნიშვნელოვანი, ოპოზიციის ერთობით არის მეორე ტურში ნიკა მელია, მნიშვნელოვანი შედეგით, ვულოცავ. ზუგდიდში განსაკუთრებული შედეგი გვაქვს. ბატონ ანზორს ვულოცავ, წარმოუდგენელი გმირობაა. ყველა ის ადამიანი რომელმაც მიიღო მონაწილეობა ამ ისტორიულ პროცესში, წარმოუდგენელი გმირია. ამომრჩევლები, კოორდინატორები, დამკვირვებლები, ჩვენი შტაბის წევრები, ახლაც დგანან და ითვლიან. წუხელ კბილებით ეჭირათ სათითაო ხმა. რუსთავში დათოს მინდა მივულოცო, თელავში – გიორგი. სენაკში კობამ ძალიან ღირსეული შედეგი დადო.
დიახ მეგობრებო, ოპოზიცია დიდ ქალაქებში უმრავლესობაშია”
განაცხადა ქუთაისის მერობის კანდიდატმა ხატია დეკანოიძემ. ის არჩევნები მეორე ტურში გავიდა, რომელიც 30 ოქტომბერს ჩატარდება.
