ინფექციური საავადმყოფოს დირექტორის, მარინა ეზუგბაიას განცხადებით, დღის განმავლობაში გამოჯანმრთელებულთა რიცხვი რამდენიმე ადამიანით გაიზრდება.
,,ჩვენი კლინიკის გამოჯანმრთელებულ პაციენტებს, ალბათ, დღის განმავლობაში კიდევ რამდენიმე პაციენტი დაემატება. დღეს დილით ტესტირება ჩატარდება და შედეგების მიხედვით, საღამოს ინფორმაციას მოგაწვდით“, – ამბობს მარინა ეზუგბაია.
საქართველოში კორონავირუსით ინფიცირების 170 შემთხვევა ფიქსირდება, მათგან 36 გამოჯანმრთელებულია. COVID-19-ით გუშინ 1 მოქალაქე გარდაიცვალა.
