ევროკომისიის თავმჯდომარე, ურსულა ფონ დერ ლიაიენი თვითიზოლაციაში იმის გამო, რომ კონტაქტი ჰქონდა კორონავირუსით ინფიცირებულთან. ინფორმაცი ამის შესახებ მან საკუთარ ტვიტერზე დაწერა, სადაც ამბობს, რომ გადაწყვეტილება მაშინვე მიიღო, როგორც კი პოტენციური საფრთხის შესახებ შეიტყო.
კორონავირუსის ტესტის დადებითი შედეგი მისმა ერთ–ერთმა თანამოსაუბრემ მიიღო, რომელთანაც ფონ დერ ლიაიენს გასულ ხუთშაბათს ქონდა შეხვედრა. იმავე დღეს მან ტესტი გაიკეთა, რომელიც უარყოფითი აღმოჩნდა. ახლა კი ახალი ტესტის შედეგებს ელოდება. ბელგიაში მოქმედი წესებით თუ ეს კვლევაც ორგანიზმში ინფექციის არსებობას არ დაადასტურებს, უკვე ხვალიდან ევროკომისიის მეთაურს შეუძლია ჩვეულებრივ ცხოვრებას და საქმიანობას დაუბრუნდეს.
სამშაბათისთვის ბრიუსელში დაგეგმილია მისი შეხვედრა უკრაინის პრეზიდენტთან, ვლადიმირ ზელენსკისთან ევროკავშირი–უკრაინის ყოველწლიური სამიტის ფარგლებში.
