ევროპული პარლამენტის ვიცე-პრეზიდენტი, “მწვანეების“ წევრი ჰაიდი ჰაუტალა ნამახვანჰესის წინააღმდეგ პროტესტს მხარდაჭერას უცხადებს. ის ამის შესახებ ტვიტერზე წერს.
„მხარს ვუჭერ საქართველოს მწვანეებს და ადგილობრივ არასამთავრობო ორგანიზაციებს, რომლებიც დასავლეთ საქართველოში ნამახვანი ჰესის მშენებლობას აპროტესტებენ“, – წერს ჰაუტალა.
I support the Georgian Greens and the local NGOs protesting against #Namakhvani hydropower plant in Western Georgia. @europeangreens #EarthDay2021 https://t.co/pfqw1ENwP9
— Heidi Hautala (@HeidiHautala) April 22, 2021
ცნობისთვის, რიონის ხეობის მცველები და არასამთავრობო ორგანიზაციები 178–ე დღეა აპროტესტებენ ნამოხვანში ჰესის მშენებლობას. მათ მთავრობის წარმომადგენლები ქუთაისში 16 აპრილს შეხვდნენ, რის შემდეგაც დრო ითხოვეს, რათა პრემიერთან კონსულტაცია გაევლოთ.
აქტივისტი ვარლამ გოლეთიანი ამბობს, რომ ვადა ამოიწურა, მთავრობისგან კი კონკრეტულ პასუხს ელოდებიან. ადგილობრივები ითხოვენ, პროტესტის გაგრძელების საშუალება სოფელ ნამოხვანში შეძლონ, რათა დიალოგი გაგრძელდეს.
