Covid19 ევროპაში ყველაზე ხანდაზმულმა ქალმა, ლიუსილ რენდონმა გადაიტანა. ის საფრანგეთის ქალაქ ტულონში, ხანდახმულთა სახლში ცხოვრობს. კორონავირუსზე დადებითი ტესტი მან იანვრის შუა რიცხვებში მიიღო. დღეს ის 117 წლის იუბილეს აღნიშნავს. 1944 წელს ქალი მონაზონი გახდა.
დაავადება უსიმპტომოდ დაიწყო და თავდაპირველად ქალი ვერც კი მიხვდა, რომ კორონავირუსით დაინფიცირდა. დაავადების დროს ის ხანდაზმულთა სახლის სხვა ბინადრებისგან იზოლირებული იყო. სამედიცინო დახმარება არ დაჭირვებია, ამჟამად კი სრულად გამოჯანმრთელებულად ითვლება.
ქალი უსინათლოა და იძულებულია სავარძლით გადაადგილდეს. ხანდაზმულთა სახლის წარმომადგენელი, დევიდ ტაველა მედია ეუბნება, რომ ქალს ძალიან გაუმართლა.
როდესაც ფრანგმა ჟურნალისტებმა მონაზონს კითხეს, ეშინოდა თუ არა კორონავირუსით დაინფიცირებს, მან უპასუხა:
“არა, არ მეშინოდა, იმიტომ რომ სიკვდილის არ მეშინია. მიხარია, რომ ისევ თქვენთან ვარ. თუმცა, არ ვარ წინააღმდეგი იმქვეყნად წავიდე – ჩემს უფროს ძმასთან, ბებიაჩემთან და ბაბუაჩემთან.“
ევროპის ყველაზე ხანდაზმული ქალი 1904 წლის 11 თებერვალს დაიბადა. ის არა მხოლოდ ევროპის ყველაზე ხანდაზმული მაცხოვრებელი, არამედ მსოფლიოში ყველაზე ხანდაზმული ადამიანების სიაში მეორეა.
