დედოფალმა ელისაბედ II-მ კორონავირუსის გადატანის შემდეგ პირველი ოფიციალური შეხვედრა გამართა – მას უინძორის სასახლეში კანადის პრემიერმინისტრი, ჯასტინ ტრუდო ესტუმრა.
95 წლის დედოფალს COVID-19 დაუდასტურდა 20 თებერვალს, პირველ მარტს კი გამოჯანმრთელდა.
სამეფო ოჯახის მიერ გამოქვეყნებულ ფოტოში ჩანს თაიგული ლურჯი და ყვითელი ყვავილებით – უკრაინის დროშის ფერებში.
ჯასტინ ტრუდო ამ კვირაში მოგზაურობს ევროპაში, რათა გამოხატოს კანადის სოლიდარობა უკრაინის მიმართ ევროპის ქვეყნებში.
