ერთიან ნაციონალური მოძრაობა ქართული ოცნების წინააღმდეგ საკონსტიტუციო სარჩელს შეიტანს. ეს პარტიის ლიდერმა ლევან ბეჟაშვილმა ბრიფინგზე თქვა.
“ნაციონალური მოძრაობა ქართული ოცნების წინააღმდეგ საკონსტიტუციო სამართალწარმოების პროცესს იწყებს. ოცნების არალეგიტიმურმა პარლამენტმა ისეთი კანონმდებლობა შექმნა, რითიც ყველა იდევნება, ვისაც განსხვავებული აზრი აქვს […] ჯერი უკვე პარტიების გაუქმებაზეც მიდგა. ამიტომ, იმის მიუხედავად, რომ ოცნების მიტაცებული საკონსტიტუციო სასამართლოს იმედი არ გვაქვს, ჩვენი საერთაშორისო პარტნიორებისა და იურიდიული საზოგადოების თხოვნითა და მოთხოვნით, საკონსტიტუციო სამართალწარმოებას ვიწყებთ – იმიტომ, რომ სტრასბურგის სასამართლოში შემდგომი სამართალწარმოების განხორციელების ეტაპზე ამ პროცესს გადამწყვეტი მნიშვნელობა ექნება.
ოცნების წინააღმდეგ საკონსტიტუციო სარჩელებს რამდენიმე ეტაპად შევიტანთ – პირველ ეტაპზე წულუკიანის ე.წ. ღალატის კომისიის დასკვნას ვასაჩივრებთ, შესაბამისი სარჩელი უკვე შევიტანეთ […] მეორე ეტაპზე, ამ კვირაშივე შევიტანთ სარჩელს იმ კანონების არაკონსტიტუციურობაზე, რომლითაც ქართული ოცნება პარტიებს, პრაქტიკულად, აუქმებს […] მესამე ეტაპი კი საკუთრივ ქართული ოცნების საკონსტიტუციო სარჩელთან დაკავშირებით იქნება […] ჩვენ ისეთ არგუმენტებს წარვადგენთ, რომელიც ევროსასამართლოში გადამწყვეტი იქნება”. – თქვა ბეჟაშვილმა.
