“სააკაშვილის ჯანმრთელობის საკითხი უდავოდ მნიშვნელოვანია და ამ თემაზე ღლიცინი, მიუხედავად ჩვენი დამოკიდებულებისა, უადგილოდ და დაუშვებლად მიმაჩნია.
ცხადია, რომ პასუხისმგებელი მის სიცოცხლესა და ჯანმრთელობაზე ხელისუფლებაა.
ამასთანავე მინდა გითხრათ, რომ თუ ხელისუფლებამ შეძლო მისი ჯანმრთელობის შენარჩუნება, მელიასთვის და ნაც. მოძრაობის სხვა კანდიდატებისთვის წინასაარჩევნო კამპანიის აგება სააკაშვილის განთავისუფლებაზე, ნაცვლად თანამოქალაქეთა პრობლემების წარმოჩენისა, მხოლოდ წამგებიანი იქნება.
ეს არითმეტიკულად ძალიან მარტივად დასათვლელია.
პოლიტიკოსი, რომელიც პროცესს მხოლოდ საკუთარ თავში ხედავს და არა საკუთარ თავს პოლიტიკურ პროცესში, მხოლოდ აზიანებს იმ მიზნებს, რომლის დეკლარირებასაც ახდენს, რითაც მოწინააღმდეგის ამოცანას აადვილებს”
წერს პოლიტოლოგი გია ხუხაშვილი Facebook-ზე.
