ერევნის ცენტრთან ახლოს, საბითუმო ბაზარ “სურმალუს“ საწყობში მომხდარი აფეთქების შედეგად 1 ადამიანი დაიღუპა და 26 დაიჭრა. ამის შესახებ სომხეთის ჯანდაცვის სამინისტრო იტყობინება. ბაზრის ტერიტორიაზე აფეთქების ხმა ადგილობრივი დროით 13:23 საათზე გაისმა, შემდეგ კი ხანძარი გაჩნდა. პირველ აფეთქებას კიდევ არაერთი აფეთქება მოჰყვა, რადგან ცეცხლი პიროტექნიკის საწყობს გაუჩნდა.
На оптовом рынке «Сурмалу» в Ереване прогремел взрыв и начался пожар, сообщили в МЧС Армении. Пользователи соцсетей пишут, что горят фейерверки. pic.twitter.com/sT571eVu2A
— TRT на русском (@TRTRussian) August 14, 2022
სომხეთის საგანგებო სიტუაციების სამსახურის ინფორმაციით ადგილზე მუშაობენ მეხანძრეები და მაშველები.
სოციალურ ქსელებში ვრცელდება კადრები, სადაც ჩანს კვამლის სვეტები ქალაქის თავზე და ისმის აფეთქების ხმები. სომხური სააგენტოების ცნობით აფეთქდა პიროტექნიკის საწყობი.
ერევნის მერი ადასტურებს ინფორმაციას, რომ აფეთქება პიროტექნიკის საწყობს გაუჩნდა.
