„ერთსა და იმავე მდინარეში სამჯერ არ შედიან“ – ასე უპასუხა დაავადებათა კონტროლის ცენტრის დირექტორმა ამირან გამყრელიძემ მთავრობის მიერ გამართულ ბრიფინგზე ჟურნალისტის შეკითხვას, აპირებს თუ არა ამირან გამყრელიძე პოლიტიკაში დაბრუნებას.
მე ვიყავი პოლიტიკაში, მაგრამ ახლა ვაპირებ გზა ახალგაზრდებს დავუთმო. ასაკს არ ვმალავ, 69 წლის ვარ და ეს პერიოდი განვლილი გზაა. პოლიტიკიდან წამოსვლის შემდეგ, 2012 წელს მქონდა პოლიტიკაში კვლავ მისვლის შემოთავაზება, მაგრამ ძალიან კარგად ვარ, სადაც ვარ, ერთსა და იმავე მდინარეში სამჯერ არ შედიან“, – განაცხადა გამყრელიძემ.
