ვაფასებთ ჩვენს ტერიტორიაზე უსაფრთხოების საკითხზე შსს-ს რეაგირებას – საქართველოში შეერთებული შტატების საელჩო, მათ ტერიტორიაზე გამნაღმველების სავარაუდო მუშაობასთან დაკავშირებით მედიაში გავრცელებულ ინფორმაციას ეხმაურება.
“აშშ-ის საელჩო აფასებს საქართველოს სამართალდამცავი ორგანოების მიერ გაწეულ მხარდაჭერასა და თანამშრომლობას, დღეს საელჩოს ტერიტორიაზე უსაფრთხოების საკითხზე რეაგირების კუთხით”. – ნათქვამია გავრცელებულ განცხადებაში.
ცოტა ხნის წინ “მთავარმა” გაავრცელა ინფორმაცია, რომ აშშ-ის საელჩოში ევაკუაცია გამოცხადდა.
ცნობილია, რომ შენობიდან თანამშრომლები და მოქალაქეები გამოჰყავთ.
ცოტა ხნის წინ სამაშველო სამსახურში შევიდა შეტყობინება, რომ სავარაუდოდ საელჩოს ტერიტორია იყო დანაღმული, რის შემდეგაც ადგილზე ექსპერტები და სამართალდამცველები მივიდნენ.
