დაავადებათა კონტროლის ეროვნული ცენტრის დირექტორის მოადგილე, პაატა იმნაძე ამბობს, რომ ეკლესიურობით არ გამოირჩევა და სააღდგომო ლიტურგიას ტელევიზიით ადევნებს თვალს, თუმცა, რომ არა მოუცლელობა, შეიძლება, წელს წასულიყო.
“მე დიდი ეკლესიურობით, სამწუხაროდ, არ გამოვირჩევი. რომ გითხრათ, ბოლოს როდის ვარ ნამყოფი, ალბათ ნამდვილად დამავიწყდება. ამიტომაც მე ძირითადად მაინც ტელევიზიით ვადევნებ ხოლმე თვალყურს და რა თქმა უნდა წელსაც იგივეს ვიზამ, მით უმეტეს, ამ პირობებში, ნამდვილად ვერ მოვიცლი ამისთვის. თორემ შეიძლება წელს წავსულიყავი”, — თქვა იმნაძემ.
სააღდგომო ლიტურგიას არ დაესწრებიან მაია ცქიტიშვილი, ნათია თურნავა და ეკატერინე ტიკარაძეც.
