საპარლამენტო უმრავლესობის ლიდერი, მამუკა მდინარაძე დარწმუნებულია, რომ საქართველოს ეკლესია მოქალაქეების ჯანმრთელობას გაუფრთხილდება და ელოდება, რომ სააღდგომო მსახურებებისას რეკომენდაციებს მკაცრად დაიცავს.
“მე დარწმუნებული ვარ და ვერ წარმომიდგენია, რომ საქართველოს ეკლესია, მისი მესვეურები, საქართველოს მოქალაქეების ჯანმრთელობას არ გაუფრთხილდებიან. ამიტომ ველოდები, ოპტიმისტურად ვარ განწყობილი, რომ მომდევნო დღეებში საქართველოს ეკლესია და ზოგადად, ერიც და ბერიც მკაცრად დაიცავენ რეკომენდაციებს”, — განაცხადა მდინარაძემ.
