ევროკავშირის უმაღლესი წარმომადგენელი საგარეო პოლიტიკისა და უსაფრთხოების საკითხებში, ევროკომისიის ვიცე-პრეზიდენტი ჯოზეფ ბორელი 8 მარტის შეთანხმებას ეხმიანება და აცხადებს, რომ ევროკავშირი მის შესრულებას ახლოდან დააკვირდება.
ბორელი იმედოვნებს, რომ საარჩევნო სისტემის შესახებ საკონსტიტუციო ცვლილებებს ყველა მხარეს მხარს დაუჭერს.
“8 მარტის შეთანხმება საქართველოში ისტორიული მიღწევა იყო. მომდევნო საკვანძო ნაბიჯის სახით, ვიმედოვნებთ, რომ ახალი საარჩვენო სისტემისთვის კონსტიტუციური ცვლილებების მხარდაჭერას ყველა მხრიდან ვიხილავთ. ევროკავშირი ახლოდან დააკვირდება 8 მარტის პირობების შესრულებას არჩევნების არჩევნების თვალსაზრისით”,- წერს ჯოზეფ ბორელი ტვიტერზე.
8 March agreement in Georgia was a historic achievement. As next crucial step, we hope to see support by all sides to constitutional amendments for a new election system. The EU will monitor closely the continued implementation of all 8 March commitments in view of elections
— Josep Borrell Fontelles (@JosepBorrellF) June 19, 2020
დღეს პარლამენტში საკონსტიტუციო ცვლილებების განხილვა დაიწყო. ხელისუფლების თქმით, მას “ქართული ოცნების” სრული მხარდაჭერა ექნება. რაც შეეხება ოპოზიციას, ისინი 8 მარტის შეთანხმების სრულად შესრულებამდე პროცესში მონაწილეობას არ აპირებენ. ოპოზიცია ამბობს, რომ უნდა გათავისუფლდეს მესამე პოლიტიპატიმარი გიორგი რურუა.
