იუსტიციის მინისტრმა თეა წულუკიანმა ბრძანება გამოსცა, რომლის მიხედვით, ქორწინების რეგისტრაციის რიტუალზე დასწრების უფლება მხოლოდ წყვილის მშობლებს, ქორწინების მოწმეებსა და 1 ფოტოგრაფს ექნებათ.
“სპეციალური სარიტუალო მომსახურებით და ადგილზე მომსახურებით (შენობის გარეთ მომსახურება) ქორწინების რეგისტრაციისას საქორწინო სივრცეში დასაშვებია დასაქორწინებელ პირებთან ერთად იმყოფებოდნენ მხოლოდ მათი მშობლები, ასევე მოწმეები და ერთი ფოტოოპერატორი. სავალდებულოა საქორწინო სივრცეში მყოფ პირთა შორის რეკომენდებული სოციალური დისტანციის დაცვა”, — წერია ბრძანებაში.
დოკუმენტის მიხედვით, ქორწინების რეგისტრაციისთვის სივრცეები გაიხსნება:
- თბილისის იუსტიციის სახლის შენობაში მდებარე ქორწინების სახლში, რომლის მიმართ ბრძანება 2020 წლის 29 მაისიდანაა ძალაში;
- თბილისის უზნაძის 2-ში მდებარე ქორწინების სახლი, რომლის მიმართ ბრძალება 31 მაისიდანაა ძალაში.
მოცემული შეზღუდვა 15 ივლისამდე იმოქმედებს.
