“ვიცი, ჩემს სიტყვებს რაც შეიძლება მოჰყვეს, მაგრამ ვალდებული ვარ დღეს ეს ვთქვა.“–არჩილ გამზარდია

მოცემულობა, რაც აქამდე გვქონდა, შეიძლება სანატრელიც კი გაგვიხდეს და ახლა, ამ ყველაფერში ადამიანებს უბიძგო შეკრებებისკენ, ეს არის უპასუხისმგებლობა და მოქალაქეთა საფრთხეების მიმართ გულგრილობა.

სამწუხაროდ, რასაც ბოლო პერიოდში ცალკეული მღვდელმთავრები თუ ზოგადად, სასულიერო პირები აცხადებენ თუ აკეთებენ, არაფერში აღარ ჯდება, ეს არის უპასუხისმგებლობითა და ადამიანების მიმართ გულგრილობით გაჯერებული განცხადებები და ქმედებები. ახლა ხდება არა ეკლესიის დევნა, არამედ ეკლესიის მხრიდან ადამიანების დევნა. ჩვენი ეკლესია კი დღითიდღე ხდება სულ უფრო ჩაკეტილი სივრცე და ემსგავსება კერპთაყვანისმცემლურ წარმართულ რელიგიას.

რაც გინდა მასების ლანძღვისა და დევნის მსხვერპლები გავხდეთ, ჩვენ უნდა ვთქვათ ეს ყველაფერი. ვიცი, ჩემს სიტყვებს რაც შეიძლება მოჰყვეს, მაგრამ ვთვლი, რომ ვალდებული ვარ დღეს ეს ვთქვა.“– ამბობს გამზარდია.