უკრაინის პრეზიდენტმა, ვოლოდიმირ ზელენსკიმ ქართველი მომღერალი ნინო ქათამაძე პრინცესა ოლგას III ხარისხის ორდენით დააჯილდოვა. ამის შესახებ, სესაბამისი ბრძანებულება პრეზიდენტის ადმინისტრაციის ვებგვერდზე გამოქვეყნდა.
პრეზიდენტის ადმინისტრაციის განცხადების თანახმად, ნინო ქათამაძე დაჯილდოვდა “მნიშვნელოვანი პირადი წვლილის შეტანისთვის უკრაინის სახელმწიფო სუვერენიტეტისა და ტერიტორიული მთლიანობის მხარდაჭერისთვის და მსოფლიოში უკრაინის სახელმწიფოს პოპულარიზაციისთვის”.
