უკრაინის პრეზიდენტის ადმინისტრაციის უფროსის მრჩეველმა მიხაილო პოდოლიაკმა განაცხადა, რომ უკრაინის ტერიტორიების რუსი ოკუპანტებისაგან გათავისუფლების პროცესი ლოჯისტიკის გამო შენელებულია.
როგორც მან ეროვნული ტელემარათონის ეთერში აღნიშნა, ფრონტზე საომარი მოქმედებების ინტენსივობა ძალიან მაღალია. მტერი ყოველდღიურად ახორციელებს ათასობით დარტყმას უკრაინელების სამხედროების პოზიციებზე.
“დეოკუპაციის პროცესს ანელებს იარაღის ლოჯისტიკური მიწოდება. ომის ინტენსივობა ძალიან მაღალია – ყოველდღიურად 60 000 ჭურვი ჩვენს პოზიციებზე. რა თქმა უნდა, იარაღის მოცულობა, რომელიც უნდა მივიღოთ – კერძოდ, გარკვეული ჭურვები მძიმე კალიბრის იარაღისთვის უზარმაზარია. და ამის სწრაფად გაკეთება ლოჯისტიკურად რთულია . მაგრამ მე ვფიქრობ, რომ ჩვენ ამას გავუმკლავდებით”, – აღნიშნა პოდოლიაკმა.
რუსეთის ფედერაციაში სრულმასშტაბიანი შეჭრის დაწყებიდან 22 ნოემბრის მდგომარეობით, უკრაინელმა სამხედროებმა რუსი დამპყრობლებისგან 1886 დასახლება გაათავისუფლეს. მათ უმეტესობაში მუშაობა დაიწყო სოციალურმა სამსახურებმა, საავადმყოფოებმა და საგანმანათლებლო დაწესებულებებმა.
უკრაინის პრეზიდენტმა ვლადიმირ ზელენსკიმ ხაზგასმით აღნიშნა, რომ უკრაინის შეიარაღებულმა ძალებმა რუსი ტერორისტების მიერ დაკავებული კიდევ 2000 დასახლების დეოკუპაცია უნდა მოახდინონ. მისი თქმით, რუსეთი თავისი ომით ცდილობს არა მხოლოდ უკრაინული მიწისა და რესურსების მითვისებას, ეს არის “ორი საპირისპირო დამოკიდებულების შეტაკება ადამიანებისა და ცხოვრების მიმართ”.
