უკრაინის პრეზიდენტი, ვოლოდიმირ ზელენსკი, ისრაელთან ირანული დრონებზე ინფორმაციის გაცვლას მიესალმება. ამის შესახებ მან კიევში ჟურნალისტებთან ისაუბრა. მან ასევე აღნიშნა, რომ “დადებით ტენდენციას” ხედავს კიევის ისრაელთან ურთიერთობებში მას შემდეგ, რაც ორმა ქვეყანამ სადაზვერვო ინფორმაცია გაუზიარა ერთმანეთს რუსეთის მიერ ირანული დრონების გამოყენების შესახებ.
“ასე რომ, ჩვენ თანამშრომლობის დასაწყისში ვართ, ეს არის პოზიტიური ტენდენცია ისრაელთან ურთიერთობებში”, – განუცხადა ზელენსკიმ ჟურნალისტებს.
